2009/01/08

هيكل إل ولا أعرفه ولا يعرفني

أدي هيكل إل ولا أعرفه ولا يعرفني قال على الجزيرة نفس الكلام إل أنا قلته هنا و هنا

يا عالم حد يفوق و يشوف إزاي ممكن مصر تسترجع هيبيتها و دورها في المنطقة
إزاي ممكن تبني تحالفات و تستخدم إعلامها و مواردها صح لبناء دائرة نفوذ أكبر و قوة لينة مؤثرة بدل ما تنسلخ عن العرب و نرجع زي أيام كامب ديفيد و يمكن أسخم و إعلامنا يبقى عامل زي الولية القرشانة إل لسانها متبري منها
و أكيد قبل الكلام ده كله يكون فيه وزير خارجة أحسن من واحد صاحبنا لا يصلح للحديث في الإذاعة المدرسية

و بالمناسبة أنا شايف إن هجوم الإعلام المصري المبالغ فيه على كلام السيد حسن نصرالله رغم إن معظم العالم عمال يهاجم دور مصر من أول الجزيرة لحد الإيكونوميست و من أول اليمن لحد أمريكا لكن يمكن كلام السيد حسن جه على الجرح أكتر من غيره


هناك 4 تعليقات:

Zianour يقول...

انا شفت الحلقة على اليوتوب
وانا اثق برأي هيكل لأسباب كتيرة

اول مرة اعلق بس مش اول مرة اجي هنا
مدونة مختلفة ولذيذة

دمت بالخير

Unknown يقول...

شكرا يا زيانور و مرحبا بك هنا و في إنتظار زياراتك دائما

خيرالدين يقول...

انا كمان عجبيتنى الحلقه يا طارق حتى بعيدا عن موقف مصر من القضيه الفلسطينيه والصراع العربى الارائيلى
لكن لو اتمر الامر بالشكل ده مصر هتكون الخار الوحيد من الحرب دى
مصر باعت علاقتها بكل الاطراف فىا لمنطقه واشترت اسرائيل ودخلت فى عداوات وحروب اعلاميه ملهاش اى تفسير

غير معرف يقول...

بالنسبة لمسألة دور مصر .. ببساطة لا دور لمصر الا توازن العلاقات العربية الاسرائيلية .. و بدون العرب فمع من تتوازن اسرائيل ؟؟