2008/10/30

فكك من اليهود و السود و الهنود

عشان تبقى رئيس أمريكا لازم تظبّط فئات معينة
فتظبيط اللوبي اليهودي أساسي
و تظبيط الإعلام و الميديا شئ ضروري
لكن واضح إن الواد أوباما طلع صايع
الواد عرف إن الكلام ده عفا عليه الزمن
هوه ركز مع ناس تانية خلص
ركز مع الناس بتوع النت و التكنولوجيا
عمل أكاونت على تويتر
ناس زي إيريك شميدت عمدة جوجل بتأيده
فكك من اليهود و السود و العك ده
عايز إيه أحسن من إن جوجل يبقى صاحبك
عايز إيه أكتر من إن العيال السيس بتوع يو تيوب و المدونات يبقو بيحبوك
من الأخر الرجل عرف إن النيو ميديا هي إل واكلة السوق اليومين دول
و الناس كفرت بالجرايد و ماحدش بيقرا الأهرام و الأخبار بتوع أمريكا غير النخبة
حتى في التلفزيون ركز مع واحد زي جون ستيوارد
شخص رخم و البرنامج بتاعه يعتبر النسخة الأمريكاني من حيلهم بينهم
بس من الأخر الناس بتشوفه
محدش اليومين دول بيشوف برامج النيل الثقافية بتاعت أمريكا و لا البيت بيتك بتاع إلسي إن إن
من الأخر واحد زي حالاتي - لو كنت أمريكاني - حاينتخب أوباما وش
عشان وسائل الإعلام إل باشوفها كل يوم غسلت دماغي خلاص
و أصلا عمري ما بسمع إسم ماكين غير لما حظي الإسود بخليني أشوف النكتة الرخمة إل في الأهرام أو أشوف برنامج هابط على الجزيرة

هناك 7 تعليقات:

bent يقول...

gamda ya Tiko :)

Unknown يقول...

شكرا يا توومي

Geddo Iskandar يقول...

أخاف أنا من الصيع دول ...

أول حاجة حيصيع علينا :)

Unknown يقول...

صحيح ... بس ساعات العكس ... عندك واحد زي بوش كان لبخة و شبه متخلف و طلع عينينا

Geddo Iskandar يقول...

lol - tesda2 3andak 7a2!

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونك والبنر موجود علي مدونتي

غير معرف يقول...

هو نجح عشان مسلم أسود
اغلبية الناس مستغربة من التمويل الضخم اللى جابه ده حتى عدى بيه تمويل هيلارى(بترول)

تانى حاجة اليساريين و هما اغلبية فى امريكا عشاق للمسلمين فبديهي ينتخبوه ادى كده عندك اصوات اليسار و المسلمين و العرب و السود بالذمة فضل مين؟ اليهود و المسيحيين؟
عمرهم ماهايبقوا اغلبية مادام امريكا فاتحة ابواب الهجرة لزبالة العالم.