2008/10/20

كلنا سماعين

إشمعنى يعني ليلى تصدعنا بمشاكلها كل سنة
سماعين (إسماعيل) برضه عنده مشاكلة

لما أهله بيبقوا عايزين يجيبوا طلبات في نص الليل
هوه إل لازم ينزل عشان عيب بهيه أخته تنزل بليل

سماعين إتربى من وهو صغير إنه يقوم و يقعد الستات الكبار مكانه في الأوتوبيس
و يوم ما يبقي شايل ألف حاجه على قلبة مفيش واحده بتعبره

سماعبن بيركب المترو في عز الزحمة و بيطلع عين أهله
لكن أخته بهية بتقعد في العربية الفاضية بتاعت الحريم

معظم المجلات و برامج التلفزيون معمولة للبنات و المكياج
و مفيش برامج عن لعب البلاي ستيشن الجديدة إل هوه بيحبها

الدكتور بتاعه في الجامعة كان مصبصاتي و بيدي البنات كلهم نمر عالية
و رغم إنه كان أشطر منهم لكن عمره ماجاب نمر عالية زيهم

سماعين بقى راجل ملو هدومة
فميصحش ياكل مصاصة أو يلبس شورت في الشارع

سماعين لازم يدخل الجيش عشان مصر لكن بهيه لاء
مااااشي يا مصر!

سماعين تعبان يا ولداه
* الرقابة شالت الباقي *

سماعين لما يحب يتجوز لازم يدفع فلوسه كلها في المهر و الشبكة و الشقة و العربية
و بعد كده أهل مراتة يقرروا إذا كانوا موافقين يقشطوه ولا لاء

سماعين لو ربنا كرمه و إتجوز
مراته حتساعده يتخلص من فلوسه أول بأول

سماعين لما ليلى مراته بتهريه طلبات و زن و شكاوي بيهرب منها و يدخل على النت
لكن في النت بيلاقي ألف ليلي عمالين يزننوا و يشتكوا

ورغم ده كله سماعين مبسوط و فخور إنه سماعين
و ليلى زعلانه و بتعيط إنها ليلى

هناك 13 تعليقًا:

Geddo Iskandar يقول...

قلة أدب يا جدع :)

Unknown يقول...

يعني هو سيماعين وقع من قعر القفة
إشمعنى ليلى يعني
:)

Mohammed Gamal يقول...

LOL!
جامدة!:)

Dananeer يقول...

اولا والله كنا اربع بنات و بنجيب طلبات

ثانيا محدش نادرا ما بتلاقى اللى يقوم و يقعد واحده ست
و كتير بتشغلوا بالبحلقه فيها او التحرش بيها

كلمنى على المترو
الرجاله بتركب و تقعد بمنتهى الوقاحه و قله الادب ف عربيه الستات
ممكن اتعاطف مع واحد راكب مع مراته و عياله
تخيل بقى لما يكون راكب لوحده و تقله دى عربيه ستات يقولك اكتمى انت و هيه!
ده انا حاطق م المترو و سنينه!!
و ياريت نشوف حل

جايز معاك حق ف موضوع المجلات ده
انما ياراجل احنا مالنا بالكلام الفاضى ده
p:

الدكتور بتاعنا ف الجامعه كان عايز طالبه تقول لمراته انها اللى بتكلمه تسأل على حاجات
مش واحده كان على علاقه بيها
و بعدين اتجوزها!
شوف الدوستور كاتبين عن كام محموله ابتزاز

البنت ممنوع مانعا باتا تتنفس
لو اهلها سابوها
ف الشارع بينهشوها

بهيه بتدخل الجيش
مطبخ و غسيل و عيال و هم ما يتلم يا اخويا
يعنى تعمل كل ده و المفروض تلبس و تعمل و تدلع
و كمان عايزنها تخش الجيش

و يعنى احنا مبنحسش و لا ايه

و يعنى احنا مش علينا حاجات
و بعدين مين بتواجد ف البيت مهمته يعمل كل حاجه

بس جامده يا طأطأ
سلملى على أسماعين بيه
و خليه يبعت الاكل بسرعه جعانين

سراج يقول...

*لكن على هنية أن تنظف وتطبخ وكلما فعلت شئ يقال لها عيــــب وأسماعيل في حل من ذلك كله
*الطالبة أكثر من تتأذى في الجامعة من الأستاذ.. وأسماعيل غشاش في الإمتحان، ونادراً ما يأخذ الشهادة بشطارته.. تحياتي

غير معرف يقول...

تبادل روابط

السلام عليكم


ممكن تعمل تبادل روابط مع مدونتى

http://steelbeauty.blogspot.com/

مع مدونتك



منتظرة ردك الكريم على الاميل steel.beauty@yahoo.com

Unknown يقول...

كل يغني على ليلاه

واحد من الناس يقول...

احنا كمان لازم نعملنا يوم زيهم..
"كلنا اسماعين" ايوه.. زى ماقلت
لازم نسترد حقوقناالمهدره..

Mahmoud يقول...

جامده يا مان
بس فيه مشكله
هما قلبهم جامد عشان عندهم سوزى
اما احنا يا ولداه عندنا حسنى
و انت عارف حسنى
ايدك منه و القبر
لنا الله

bent يقول...

ahom 3amalolak el play station program elli enta 3ayzo ya sidi :))
shoft ba2a enohom mesh beyenso sema3in abadan

Unknown يقول...

طب والنينتيندو و إكس بوكس يا بنت؟

bent يقول...

wa7da wa7da ya Tiko
w ba3din ento aslan mesh betetfarago 3alTV
fila7'er bardo ana elli 2a3adt shoft the play station program

Polka Dotted يقول...

والله عندك حق